Hordablæsten 2010!
20100313 Hele huset lørdag 13.03. 2010
Radøy Brass og Sæbø Skulemusikklag ynskjer velkomen til ein flott konkurransedag i Grieghallen, laurdag 13. mars 2010.
Hordablæsten er den største musikkonkurransen for skule- og generasjonskorps, ensemble og solistar i Hordaland. Med andre ord ei musikalsk utfordring for alle korps i regionen. Det vert konkurransar for janitsjar og brass (1., 2. og 3. divisjon), juniorkorps, generasjonskorps, ensemble og solistar.
Konkurranse
Korpskonkurransane vert avvikla i Grieghallens Store Sal og Peer Gynt Sal, medan ensemble- og solistkonkurransane i hovudsak vert gjennomførte i andre rom og salar i Grieghallen. Alle konkurransane er opne for publikum.
I 2009 var det med heile 52 korps, 166 solistar og 68 ensemble. Som ei følgje av dette vart solist- og ensemblekonkurransen delt inn i heile 13 ulike klassar. Av arrangementstekniske hensyn oppfordrar vi korpsa til å vurdera om ein med fordel kan motivera musikantar til å samle seg i ensemble framfor solistopptreden.
Ved stor påmelding, vil også ettermiddag/kveld fredag 12.mars verta nytta som konkurransetidspunkt. Det vil komma informasjon om dette så snart som mogeleg etter påmeldingsfristen er ute.
Konkurransereglement
Aspirantseminar
Tradisjonen tru dei siste åra, vil det i samband med konkurransen verta halde eit aspirantseminar. Aspirantane skal saman med instruktørar øva i løpet av dagen, og framføra resultatet av dette for ein fullsett Grieghall på festkonserten. Dette vert kjempegøy!
Festkonsert
Festkonserten er gratis for alle konkurransedeltakarar! Programmet vil vi koma attende til i seinare informasjonsskriv. Festkonserten vert avslutta med premieutdeling som eit naturleg høgdepunkt.
Mat og drikke
Det vil vera kafé i Grieghallens foajé heile dagen.
