ASLE OG ALIDA

Verdspremiere! Våren 2025 gjev vi deg kjærleikshistoria om Asle og Alida, med tekst av Nobelpris-vinnaren Jon Fosse og tonar av Bent Sørensen.

Velkomen til verdspremiere på operaen Asle og Alida, signert forfattaren Jon Fosse og komponisten Bent Sørensen. Den kjende regissøren og Fosse-spesialisten Sofia Adrian Jupither skal gje scenisk liv til denne tidlause og gripande forteljinga her i Bergen.

Fleire år før Jon Fosse mottok Nobelprisen i litteraturen i 2023, vart han spurd av den då påtroppande operasjefen Eivind Gullberg Jensen i Bergen Nasjonale Opera om å skapa teksten til ein ny opera. Fosse valde kjærleikshistoria frå Trilogien, om dei to fattige tenåringane Asle og Alida som seglar inn til byen Bjørgvin. Dei leitar etter ei trygg hamn i ei hard verd, og søkjer trøyst i musikken og i kvarandre. Når alle nektar å opna dørene for den unge felespelaren og den gravide kjærasten hans, tek han drastiske val.

"For mig handler operaen om de tre bibelske begreber: Tro, Håb og Kærlighed, og frem for alt om sammensmeltningen mellem de tre. Troen på håbet, håbet om kærlighed, og som altid: Størst af alt er kærligheden. I Asles og Alidas tilfælde rækker kærligheden så ud over døden - døden skiller dem ikke ad. Musikken forsøger at fange den skønhed og gru, der ligger i kampen for kærligheden." Bent Sørensen

Frank Kjosås har rolla som Åsleik i Jon Fosse-operaen Asle og Alida.

Han har gjort ei rekkje store musikalske roller ved Det Norske Teatret, men visste du at han kunne ha vorte operasongar i staden for skodespelar? I dette intervjuet fortel han meir om dette, kva operaen essensielt handlar om, og kvifor han takka ja til rolla som Åsleik.

ASLE OG ALIDA

Opera i to akter
Verdspremiere

Bent Sørensen / Musikk
Jon Fosse / Libretto

etter Trilogien av Jon Fosse

KUNSTNARLEG TEAM

Johannes Gustavsson / Dirigent
Sofia Adrian Jupither / Regi
Erlend Birkeland / Scenografi
Maria Geber / Kostymedesign
Ellen Ruge / Lysdesign
Emi Stahl / Videodesign
Håkon Matti Skrede / Kormeister

MEDVERKANDE

Wiktor Sundqvist / Asle
Louise McClelland Jacobsen / Alida
Johannes Weisser / Den eldre mannen
Randi Stene / Den eldre kvinna
Christina Jønsi / Den yngre kvinna
Frank Kjosås / Åsleik
Alma Kraggerud / Felespelar

Bergen Filharmoniske Orkester
Edvard Grieg Kor

Vert framført på norsk, og teksta på norsk og engelsk

Ein ny produksjon frå Bergen Nasjonale Opera, i samarbeid med Det Kongelige Teater i København.
Presentert av Bergen Nasjonale Opera i samarbeid med Musikkselskapet Harmonien og Edvard Grieg Korene.
Etter verdspremieren i Bergen blir Asle og Alida spela i København i mai og juni 2025